袁小曼冇嘢撈專心瘟仔
08年落選亞姐袁小曼，自從去年邂逅比自己年長21載、有婦之夫嘅地產界CEO廖偉強後，兩人經常孖公仔拍拖出巡，仲不時當街卿卿我我，簡直見到都眼冤！後來有指佢一味掛住拍拖，搞到冇心機工作，所以前排佢約滿亞視，公司都唔再續約。
既然冇嘢做，小曼索性全心全意做廖偉強嘅跟得女友，呢日下午4點幾，八太喺中環見到着住低胸吊帶衫、短裙嘅小曼，右手挽住個手袋仔，左手就拖住男友喺度逛街，起初見佢兩個冇乜幾句，直至停低等紅綠燈嗰陣，佢哋就不時密密斟，鬼咁好傾。小曼咁識冧人，唔怪得男友畀佢氹到笑騎騎啦！