宣萱杏兒出盡陰招爭上位
宣萱、胡杏兒、陳錦鴻等昨出席《萬凰之王》開廠拜神儀式。宣萱與杏兒在戲中要出盡陰招爭寵，但私下合作愉快。宣萱說：「我喺劇裏面畀杏兒蝦，自己為自保而害人，都幾真實，人生有機會拍呢啲古裝戲真係死而無憾！」宣萱承認見到四字詞對白便頭痛：「我唔係百分百明白啲內容點解，做唔到啲深層次嘅演繹，好在有錦鴻全程指導我同杏兒，我直情係重新學做戲。」雖然《萬》故事劇與《金枝慾孽》及《宮心計》頗相似，但宣萱不怕比較：「唔驚，我都冇諗過呢樣嘢，顧掂自己嗰瓣先啦！」
演奸王后的杏兒為演活角色，努力練習凌厲眼神。她說：「有時『睥』到想嘔！（搵黃宗澤幫你練？）對住塊鏡練，啲戲有時都幾情緒激動，我都驚會發癲，所以平時多休息，（驚唔驚有人將你同楊怡比較？）有比較係好嘅競爭，咁至有進步。」