剛於上月佛誕正式剃度的葉青霖，法號「常霖」，現於台灣修行，其太太廖安麗飛澳洲小休。昨日她接受長途電話訪問時表示：「我同丈夫關係唔同咗，都可以見，每年會揀兩次去台灣，探佢之餘我都可以禪修。（你有冇出家想法？）暫時我未有呢個目標，做義工已經夠我忙。（仲有冇做婚紗生意呀？）冇啦，但都要為生計，遲多一、兩年啦，可能會揀社會企業，打工算啦。」