林峯玩火個唱男色誘惑
林峯將再踏紅館舉行第二個個人演唱會！昨日他為下月廿九及三十日舉行的英皇主辦「瑞士依波路表浪漫呈獻Come 2 Me Beauty Live On Stage」演唱會舉行記者會，無綫高層樂易玲及何麗全亦到場為愛將打氣。
為隆重其事，林峯由兩位金髮美女陪伴下登場。他透露演唱會大玩黑暗元素，更會在舞台上玩火：「總之到時會好hot，呢個構思已經度咗幾個月。（玩火危險喎！）唔會，我哋都係以音樂行先。」
祖兒任嘉賓
林峯表示已邀請容祖兒擔任個唱嘉賓：「佢都有要求要啲hot嘅嘢。（辣身舞？）我都冇問題。」上次演唱會有性感女模濕身誘惑，問他這次可會更激？林峯說：「今次唔玩女性嘅sexy，而係玩男仔嘅sexy。」
另外，林峯主演劇集《談情說案》除被指抄日劇《神探伽俐略》外，又被網友轟抄日劇《Boss》及《MR. BRAIN》等。林峯強調《談》劇比《MR. BRAIN》更早拍，沒可能抄襲。
文：音樂組