呂慧儀呻窮冇錢送名牌
黃宗澤、呂慧儀昨日出席新劇活動，兩人同聲表示廉署沒有找他們助查，對有指女高層收受藝人送贈的名牌手袋做禮物，呂慧儀說沒有送過，自己又冇錢、冇能力買如此昂貴的禮物，可有送禮給高層？她說：「有送過畀朋友，冇送過畀高層。」對被指搭上葉念琛，呂慧儀說大家只是工作後一起吃飯，私下並冇約會，葉是紅導演很難約，她不相信相熟後會像鄧麗欣般有女主角做或好發展，她會憑努力做好本分。
緋聞一個就夠
黃宗澤有否接過叢培崑公司工作或被壓價、以及送名牌袋給高層？他說：「從來接job唔知邊間公司，又唔問價錢，信晒經理人。我冇送過名牌手袋畀高層，我鍾意紅酒，大時大節只會送香檳或紅酒畀大家飲吓、開心吓！」
他又否認指他狂追05年華姐倪晨曦的說法，更不認識對方：「都要認一認佢，佢入行都要知係邊個，名都唔知！緋聞傳一個就夠（指胡杏兒），呢單已經好好傳。」