Kay踢爆張繼聰「失業」受打擊
前晚張繼聰擔任張智霖音樂會嘉賓時，對被飛出《博愛歡樂傳萬家》表示並非抽起，之前曾度期，後來有其他工作才沒有做。身為節目大使的阿聰說：「喺敏感嘅時期，做乜都敏感，無綫咁大個機構有咁多節目，有自己機制同安排。」又說與無綫有合約，不會亮相別台，沒有人不期望同無綫合作！對於他在音樂會聲稱「我唔怕陳奕迅（Eason），我膽生毛」，解釋是不怕Eason誤會，大家見面有打招呼，因太太生日要趕回家慶祝。
而昨日謝安琪（Kay）出席「親切共融之旅2010」活動時對高調亮相有線觸怒無綫，連累老公張繼聰慘被飛出《博愛騷》，Kay否認事件和她有關，但與老公張繼聰「口供唔夾」，承認他「失業」，工作有調動：「實情就唔知，有啲新節目都冇再搵佢，佢心情大受影響，對佢嚟講都幾大打擊。（亮相無綫以外嘅電視台會唔會低調啲？）歌手工作唔係咁政治化。（同陳志雲有關？）我冇追問。」