薛家燕擺大壽志雲冇影
薛家燕昨晚筵開百席擺大壽，宴請台前幕後好友出席「家燕豐盛繽紛60年」，惜撞正陳志雲涉貪受查敏感時期，本來答應到場唱生日歌的志雲甩底，連帶賓客名單上的無綫高層樂易玲、何麗全及曾勵珍亦悉數冇影，只有外事部副總監曾醒明現身，到場的佘詩曼聞得記者提問助查，反應甚大彈起身走人。
中秋送月餅
家燕對志雲失約表諒解，事發後更SMS過對方，表示很掛念他，更為他祈禱，望早日冇事：「我覺得佢唔會為錢咁做。我唔知有思潮呢間公司，冇合作過，我識叢培崑，佢人OK，有問過我價，幫我爭取內地騷，但冇叫我免費出活動。（無綫興送禮抓撈？）我年年都送月餅，連化妝阿姐都送，一份心意啫，過時過節答謝手足，表達心意啫。」
曾醒明則說：「中秋送月餅係冇問題，唔超過五百元係容許嘅，超過就要申報。（送名貴袋都冇問題？）我冇聽聞過，可能已經申報咗。」