軒仔唔知陳志雲有份

無綫總經理陳志雲及其私人助理叢培崑涉嫌貪污被捕,哄動全城,原來兩人跟呂良偉、張敬軒關係密切,彼此曾屬生意夥伴,軒仔更視陳總為良師益友的前輩,阿呂也大讚志雲好人,希望對方平安無事。

視陳志雲為良師益友的軒仔,對陳總被廉署拘捕感到震驚,問到是否「迷雲黨」?軒仔說:「我唔評價呢個名稱,佢做乜都會畀人講。陳生好提攜我,又支持我嘅騷,之前背負住傳媒壓力都嚟我新成立經理人公司記者會,佢對每個做音樂嘅人好好,似老師多於電視台高層,冇乜架子,係良師益友。」

軒仔承認07年舉行的演唱會紀念品由陳生助手叢培崑的公司製作推出,並大讚叢上進及勤力,將公司做得有聲有色,但不知叢之公司陳志雲是否有份,因當時由舊經理人與對方傾。軒仔重申陳生跟叢培崑是真誠的朋友,他說:「以朋友角度係好遺憾。」

出騷公司結算

無綫昨日阻止傳媒進入TVB採訪,會否覺得TVB霸道兼阻礙採訪新聞自由?軒仔說:「我覺得干涉內部,佢咁做都係正當做法同算合理,佢係有呢個權利,加上又涉及太多人同部門,都要穩定局面。我都好耐冇入無綫。(係咪想上無綫節目?)唔刻意,跟隨公司決定。」

此外,有傳今次事件牽涉去年移師澳門演出的《翡翠歌星賀台慶》有關,懷疑當中有人從中「食水」,有份參與演出的軒仔說:「每次出騷係TVB直接同唱片公司結算,加上騷錢大多數都畀唱片公司用作日常開支,好似我租車咁,而唱片公司會出月結單畀我,只係我唔理交畀經理人處理。」

鍾舒漫則說:「由始至終做台慶騷都冇錢收,亦唔會計較有冇錢,只想開開心心做一場騷!(信有人『落格』?)都唔知真定假,唔方便評論。」她也有留意陳志雲被ICAC拘捕的報道,但覺陳總份人超nice,沒有架子,覺得他很親切。

阿呂:唔係生意夥伴

另方面,身在內地拍攝《水滸傳》的阿呂,被指與陳志雲曾合作搞醫療器材公司,阿呂否認說:「搞錯咗,我係買咗嗰間公司股份,間公司老闆之後畀咗啲股份佢,但佢好似已經退咗股。」阿呂說跟陳志雲並不熟,但拍攝《富貴門》時曾跟他食飯、傾偈,也有出席其生日會,阿呂說:「佢好好人,風趣、熱情,做朋友非常唔錯,其他方面就唔清楚,作為朋友都希望佢冇事。」

文:音樂組