江若琳冧天華飛起吳卓羲
謝天華憑Laughing哥一角走紅，令無綫有意開拍《學警》第四集。據知《學警》系列已敲定拍古裝版，天華及江若琳擔正做歡喜冤家，但「鐵腳」吳卓羲竟離奇被out，沒法再與江若琳「再續前緣」。
無綫劇集《學警》系列大受歡迎，第三輯的《學警狙擊》更成功捧紅「Laughing哥」謝天華，更盛傳開拍《學警》第四集。
據可靠消息稱，為增加新鮮感，《學警》系列監製黃偉聲決定開拍古裝版，並起用曾演出《學警》的謝天華、江若琳、徐子珊及陳鍵鋒等，劇名暫定《洪武三十二》。天華與江若琳飾鬥氣冤家兼情侶，天華、馬賽、江若琳與陳鍵鋒等都會有感情線，眾人關係可謂「七國咁亂」。
徐子珊易相處
雖然天華與江若琳年齡相距甚遠，但黃偉聲笑謂：「佢哋嗰陣拍《學警》玩得好瘋狂o架！我覺得呢個組合一定有火花。」黃偉聲又讚徐子珊可塑性甚高，又撐子珊並非如外界所指難相處，與同劇演員合作得很開心。
至於《學警》中堅分子吳卓羲（Ron）被飛出局，問到是否因江若琳不欲再與對方合作而傳緋聞有關？黃偉聲笑謂：「梗係唔係！我同公司講想要Ron，但公司話我用晒啲男演員喎！而且阿Ron拍完《團圓》又要緊接拍另一套，所以冇時間拍。」
文：影視組