高比仔壓哨球絕殺速龍

湖人之前已連輸三場，狀態非常差，好彩昨日擊敗速龍，避免自○七年以來首度四連敗。高比拜仁今仗取得三十二分，但佢最重要嘅入球絕對係完場前1.9秒嘅跳射。速龍教練泰安奴都話冇晒符：「係人都知高比會射最後一球，我哋亦派咗兩名球員防守佢，不過一樣畀佢射入，輸波仲可以講啲咩？」

魔術大勇主場劏死「牛」

湖人雖然贏波，但亦出現隱憂，因為湖人今季作客表現遠不及主場，湖人今季主場取得二十九勝五負，但作客僅得十七勝十三負。不過高比仔依然對衞冕信心十足：「我哋係眾矢之的，所有球隊都想贏我哋，但我對隊友充滿信心，球員之間嘅化學作用更勝上季。」

至於明日直播重頭戲奧蘭多魔術主場對芝加哥公牛，魔術近況不俗，上仗擊敗洛杉磯快艇後已取得五連勝；反觀公牛已五連敗，而且近四次作客魔術都輸波而回，睇怕魔術明早可再下一城。

（now 671周五早上９時直播）