On仔護士生涯 難忘「打包」
組合C AllStar成員On仔是大學護士學生，提到他護士經驗中最深刻的一次，他說：「last office，即係有人離世，先抹手抹腳，再將佢放好，我會當佢仍然存在生命，會思考生命嘅意義。」
On仔續說：「有一換咗腎嘅小朋友，但每星期有4日要洗腎，每次5、6個鐘，佢遇到咁嘅困難，令我更加樂觀、堅強。」
問他可有為此而創作歌曲，他說：「有一個有厭食症嘅小朋友，我畀一杯奶佢飲，都要大半個鐘，因為佢覺得我害佢，或者我會令佢肥，所以每個人對一件事嘅睇法其實唔同，我試過用呢個題目作一首歌。」