鄺美雲自認保守唔冧老外

舊愛現身支持

而出席的好友中，包括曾與她拍拖的舊愛牙醫李念緯及早前被雜誌拍到與Cally影親密照的中年男士。除了這兩位男士外，跟Cally合作的新工作夥伴，52歲德國籍的總裁Armin Dick全程細心照顧Cally兼向她大獻殷勤，又笑言有機會會約會Cally，在慶功宴上更欲一親香澤吻賀伊人，可惜被Cally笑住拒絕。

曾與Cally拍拖的牙醫李念緯亦有現身。	Cally出席其代言品牌在上海舉行的上市發布會。	德國籍總裁Armin向Cally大獻殷勤。

對於新歡舊愛共冶一爐，Cally笑說：「李醫生係我特登邀請上嚟，而雜誌影嗰個係我親細佬。（德國總裁鍾意你喎！）成team人都鍾意我，佢梗係覺得我好至搵我啦，（佢話有機會會約你！）有date過啦，不過係一班人，佢嚟過我屋企食飯，試過我嘅手勢，（點解拒絕？張曼玉都有個德國男友！）我唔係張曼玉係鄺美雲，我係中國人，比較保守，未同老外拍過拖，亞洲人就試得多。」

問Cally近日有沒有狂蜂浪蝶追求？Cally說：「我要求好高，不過依家唔將呢啲擺上心，我好忙，如果有男友，相信佢忍受唔到我咁忙，我畀唔到安全感佢。」