千嬅怪獸字傳情老公唔明
去年成為「丁太」的楊千嬅，於活動上亦不讓老闆黎明專美，借新作《志明與春嬌》內橋段大晒與老公恩愛史，透露當中一場傳手機短訊戲份，把「i miss you」倒轉來傳，千嬅即照辦煮碗傳給老公丁子高，沒料傳了四次之多，丁子高亦不明所以，令千嬅啼笑皆非，更謂：「佢問我咩嚟，係咪怪獸字，喺邊度學返嚟，不過咁都好，證明佢未用過囉！」
談到與Amusic歌手合約拉鋸多時，千嬅指現時已談好經理人合約，唱片合約會待完成國語碟錄音才詳談，問到現時與黎明見面會否尷尬？她說：「唔會，我有買《火龍》戲飛支持佢。」
阿樂有戀母情
而余文樂（阿樂）對於活動上被拍檔千嬅踢爆喜歡外籍女子，他即作出大平反，重申為人傳統，只愛中國女性，更指年齡並非問題，阿樂說：「以前女友全部大過我，（黃伊汶都係？）大過……大過咩吖？不過我係有少少戀母感覺，鍾意大過我嘅女仔，因為照顧到我，同埋可以幫我打點，但頂多大一個生肖，如果大多一個生肖就唔得，因為我自己都ＯＫ大。」