余錦遠（契仔父親）：「我唔清楚佢哋有冇結婚，但就算名義上唔係都唔緊要，都一齊咁耐，都當佢哋結咗婚，依家結婚方式五花八門，可能佢哋結咗婚唔想講。」

苗僑偉：被問到有關米雪與尹佬是否結婚、有否飲過他們喜酒，則表示：「佢哋係咪結咗婚？呢個時候我唔方便答你，你明啦！」

黃興桂（波場老友）：「當係結咗婚咁o架喇，佢哋係叫『阿嫂』，但唔係正式註冊。我廿六年前識佢哋，都覺得佢哋形同夫婦。一對partner係鍾意又啱key嘅，唔使畀一張婚約綁住。佢哋auto（自動）當係夫婦，最緊要my heart belongs to her！我肯定佢哋冇結婚，但尹佬屋企人百分百當佢係『阿嫂』！」

梁漢文：「據我了解佢哋應該未結婚，但佢哋拍咗拖咁耐，屋企人都係咁叫（阿嫂），冇所謂，只係欠一紙婚書，佢（指米雪）同老婆都冇分別，我就叫佢做米雪姐姐。」

林海峰：「細個會去大球場睇尹佬踢波，佢係逆境戰士，可以扭轉局勢，好有拚勁。佢叫尹志強，志強志強，一定要強，佢女友更加要志（自）強，要好堅強、開心過每一日。」

查小欣：「初一收到米雪賀年SMS，下款係米雪、尹佬，今朝亦收到短訊『米雪同屋企人都多謝大家關心』，知道佢今日開工，好專業。」