為紀念加入樂壇十周年，天后容祖兒花盡心思籌辦個唱和專輯《Joey Ten》。而專輯上月29日亦隨之面世，銷量已達白金數字，加上限量版Boxset附送相集和禮物，更掀起炒風，除了網上愈bid愈貴，就連甚少加入炒賣行列的唱片店門市亦加入戰團，Boxset首賣日下午已由原價$480炒高一倍，昨日有銅鑼灣唱片舖開價$1288，非常誇張。

祖兒的新專輯有多個不同的造型。	放大圖片	祖兒的特別版EP Boxset反應熱烈兼被熱炒。

歌迷當手信

反應熱烈，祖兒聞後非常興奮，她說：「EP平裝版有九個不同造型嘅封面，已經搞到啲歌迷好頻撲，以為出Boxset集齊九個造型又送禮物，情況會好啲。點知依家仲炒高兩倍，有歌迷話買嚟做拜年手信。」

為答謝歌迷支持，祖兒揚言會大派利是，她說：「農曆新年期間喺街上撞到我，而佢手上拿住《Joey Ten》Boxset，我會派封大利是畀佢，內容係『神秘』，利是派到初七『人日』，數量有限，萬勿錯過。」

唔推第二版

會否考慮加推第二版？祖兒說：「唔會，2000個Boxset賣晒就冇，因為附送嘅禮物製作花時、成本好高，而且加推再版就辜負咗嗰班炒價買Boxset嘅歌迷。」她又透露星期日舉行簽名會後，將到內地出席春節晚會，大年初二返港繼續工作。

文：專案組