Joyce去年10月榮升媽咪，至今三個多月大的愛兒李然熙（Maxton）生得肥肥白白，搞到Joyce每次出席活動時都禁不住分享「湊仔經」。日前，Joyce獨自推住BB車現身中環一間餐廳，原來相約老公Ted共進午餐，期間Maxton「肚餓」訊號一響，Joyce就立刻抱起囝囝餵奶，Maxton戴上熊貓造型的小冷帽，絲絲細眼，非常可愛，不消幾分鐘就自己拎住奶樽，將一支奶奶飲清光，可謂食量驚人，為怕老婆顧住餵奶餓親，Ted又將麵包餵到Joyce口，場面溫馨爆晒燈，認真羨煞旁人。

Ted為Maxton掃風關懷備至。	李樂詩拍下愛兒精靈動作。	戴上熊貓帽的Maxton十分可愛。

依依不捨道別

Ted雖然身為白領一族，但就於膊頭上鋪好餐巾，主動抱起Maxton為他掃風，動作非常利落純熟，而當他離開餐廳準備返工時，隔住玻璃向Maxton揮手講byebye，認真難捨難離。隨後Joyce獨自帶BB離開，期間遇到好心人幫她搬BB車落樓梯，Joyce禮貌地不停講唔該，最後這位媽咪更帶埋Maxton行畫廊睇靚畫，未知年紀輕輕的他會否吸收到丁點藝術氣息呢？

李樂詩獲好心途人幫手搬BB車。

Joyce到畫廊細心欣賞靚畫。

採訪：音樂組