日前嘉欣與蔣家旻拍攝無綫聖誕宣傳片。兩女戴上白色假髮、身穿聖誕裝束做聖誕女郎。拍攝期間，導演要求二人一舉一動都要非常合拍，難度極高，不過她們揮灑自如，動作如出一轍，認真犀利！

龔嘉欣（左）與蔣家旻因拍劇成為好友。	嘉欣聖誕願望是多些拍劇機會。	兩女感情要好，經常自拍留念。

朝夕相對成好友

事後嘉欣表示與蔣家旻在新劇《情越雙白線》飾演好友，朝夕相對兩個月，難怪表現合拍。嘉欣說：「可能我哋一樣高，而且年紀又一樣，加上之前又一齊拍劇，所以好夾，合拍程度真係意料之外。（扮連體嬰有冇難度？）都有，因為我哋腰間綁咗條腰帶，拍嘅時候唔可以亂咁郁，如果唔係好易整親對方。」

此外，龔嘉欣透露很喜歡聖誕節，因為聖誕節予人溫馨浪漫感覺，她說：「以往聖誕天寒地凍，好多情侶都會攬住好sweet。（你有冇試過過浪漫聖誕？）未試過，年年我都係整薑餅派畀人食。我聖誕願望係希望可以拍多啲劇，嘗試唔同角色。（想唔想有個男友陪你過聖誕？）男友呢啲遲啲先算，依家係搏殺期，事業為重，愛情放最尾，可能呢個諗法過多十年會有轉變。」

文：影視組