南華名將陳肇麒（阿七）與女藝員李綺雯「麒雯戀」曝光，成為足球界和娛樂圈熱門話題，相片曝光後傳聞多多，有傳o靚妹是第三者，亦有指阿七與前度女友Natalie舊情復熾，甚至有人曾以死威脅。昨日向阿七和o靚妹求證，二人親口宣布分手。

陳肇麒被指翻撻舊愛Natalie。 （資料圖片）

李綺雯和陳肇麒啜爆蜜照曾在網上流傳。

承認劃清界線

傳聞有人以死相逼，而o靚妹在11月26日Blog內透露，感情路上曾遇過「第三者」以自殺威脅，可說事有湊巧。昨日o靚妹接受電話訪問，坦言相片曝光的時候與阿七已分手：「當時我開緊工，又唔知記者手上係咩相，唔想解釋咁多。但我要澄清，我無爆料，無纏住佢，我都係受害者。（有人對你唔住？）已經分開咗，乜嘢都唔重要。」

之後記者致電阿七，他坦言：「我哋係分咗手，幾個月啦！我都唔知啲相點解流出。」他否認劈腿：「總之我哋感情出現問題，原因唔想講太多。（因為與前女友復合？）一定唔係。我同o靚妹8月分手，10月尾同番Natalie一齊。（同o靚妹仲係咪朋友？）我都唔知點答你。（係咪劃清關係？）可以咁講！」

不想傷害大家

阿七9月30日與翻撻女友Natalie到大球場睇「亞協盃」捧南華場，翌日亦被報道，而舊愛o靚妹亦同行，事後她更寫了兩段Blog作紀錄，據知有人以死威脅，而有人難忍「三人行」才提出分手。再致電o靚妹，她顯得不耐煩說：「時間嘅嘢我唔想再執着，佢有佢想保護嘅人，我唔想做任何嘢傷害大家，由始至終都無打算將事件公諸於世。依家唔想多講，以後都唔想講。」

文：專案組