曾華倩踢爆偉仔係醋埕
劉嘉玲與曾華倩繼早前於商天娥婚宴聚頭，大方合照後，估不到很快便因工作再次聚首。日前，曾華倩以主持人身份訪問為英皇電影《讓子彈飛》宣傳的劉嘉玲，特備節目名稱叫「嘉玲華倩閨中密話」，昨晚從宣傳短片所見，華倩與嘉玲默契十足，華倩向劉嘉玲發問了三條「到肉」問題，其中還踢爆梁朝偉易呷醋。第一條問題就問嘉玲：「喺新戲裏面有激情戲喎，偉仔好易呷醋，你怕唔怕？」第二條問題則是：「偉仔同湯唯喺《色，戒》裏肉帛相見，你點睇？」最後一條更連張曼玉都提埋，曾華倩問劉嘉玲：「會不會同張曼玉合作？」片段中，沒有展示嘉玲的答案。
據知，華倩與嘉玲在拍攝節目之前，做足準備工夫，華倩主動問嘉玲是否要傾電影事多一點，之後，兩人行埋一邊傾了一輪密偈後，決定四成電影、六成私人事，節目中兩人毫無芥蒂，無所不談，拍攝氣氛相當之好。
