每期gag神都會向歌星藝人問一條IQ題，考考佢哋腦筋思考能力，今期嘅問題係「口吃的人做甚麼最吃虧？」睇吓今期有邊位畀我哋gag神考起先？
唐素琪：嗯...估唔到呀，有冇提示？口吃就會不斷咁重複囉，重複即係會浪費時間，（有咩係用時間去收費？）唱K？（唔啱！）有咩斷鐘計？唔...長途電話！
賈曉晨：拍賣囉！等佢嗌嘅時候，人哋已經投咗啦！（又幾合理，但再估？）叫人還錢囉！你講得嚟，人哋已經走咗啦！（又幾合理，但再估？）收費電話？
狄易達：飲湯囉，即係飲啲貴湯，但係吐番出嚟。（口吃唔係咁喎！）唔...長途電話！
答案：打長途電話
