陳展鵬拍拖唔會密冚
陳展鵬及林夏薇等昨錄影《勁歌金曲》節目，展鵬表示想專心拍劇，未有出碟打算。談到胡杏兒玩整蠱大晒「攬仔照」，展鵬稱「好爆」：「件事好爆，每個人嘅玩法都唔同，我好少咁玩。可能我份人比較舊派，希望報道會集中在工作上。依家唔同晒，咩都會公開。如果我有拍拖，我就會公開。」
同場的張繼聰被問拍新劇《老表，你好hea！》可有感情線？他自爆唔介意同男人湊成一對：「個角色都幾變態。未知同邊個一對，（同男人一對都OK？）咁重口味，不過唔介意。次次拍都不得『善終』，我都想做結局時有人陪喺身邊嘅角色，（叫老婆謝安琪客串？）唔得，冇想像空間。」