小肥一年內來回澳門及香港數十次，當中包括工作及私人性質，每次到「家鄉」表演，小肥不但大受歌迷歡迎，亦很受工作人員及其他歌星歡迎，他表示：「因為佢哋都知我係『地膽』，成日問我邊度有好嘢食同好玩嘅地方，但佢哋又唔識路，所以通常我都會帶佢哋去，久而久之就成為咗大家嘅『導遊』！」雖然小肥很樂意帶他們四處遊玩，但由於經常大魚大肉，令他擔心會變回讀書時代的二百磅肥仔，小肥笑言：「我好擔心㗎，再係咁落去真係會變癡肥！」

小肥（後排左二）在求學時期體重達二百磅。	小肥經常帶其他歌手朋友品嘗地道美食。	小肥嘟嘴拍照，非常趣致。

衣錦還鄉好溫暖

小肥就讀的中學在澳門十分顯赫，而甘國亮、賈思樂、方中信、恭碩良及Soler更是其師兄，小肥表示：「我間學校專出名人，尤其最出名係『課外活動人』，我哋全部都鍾意唱歌！」而24歲左右，小肥與其餘兩位朋友組成「C-PLUS」樂隊，穿梭於各學校及酒廊唱歌表演，雖然一星期唱足七日，且每月只有二、三千元收入，但小肥卻相當滿足，他說：「已經好開心喇，好似去唱K咁，仲要有人畀錢請你唱歌喎！」

小肥在大三巴前留影。

小肥（中）和兩位男性友人組成的「C-PLUS」在酒廊上獻唱。

另外，小肥每次到澳門演出，均會叫齊所有親友捧場，早前他更在當地舉行首個個人音樂會，絕對是衣錦還鄉，小肥表示：「我每次返去表演，啲觀眾都特別畀多啲掌聲我，令我覺得好溫暖！」

文：音樂組