徐子淇拋低一對囡囡，專程往內地作慈善探訪，談起今次的經歷一時感觸落淚兼自責。談到丈夫李家誠（Martin）家族投資的樓盤以天價成交，她笑言想預留單位，因Martin一句太貴最終要忍痛割愛。
智行基金會邀請子淇往安徽省阜南縣探訪愛滋遺孤，拍攝特輯在無綫播放，呼籲不要歧視愛滋病人，當她得悉當地的貧困及愛滋遺孤遭歧視等問題，即雙眼通紅，數度落淚。
感觸落淚自責
她帶淚說：「訪問一位六歲小妹妹，佢不單止遭同學歧視，爸爸仲因為佢染病唔要佢……我返到屋企好自責，覺得自己可以做多啲，起碼應該畀個hug（擁抱）佢，等佢知道人間有愛。」
子淇相當細心，準備了書包、手襪、頸巾及冷帽送給一眾小朋友，更希望一對囡囡成長後，同往內地了解情況，夫婿曾問她探訪辛不辛苦？子淇認為與小朋友相比，她一點也不苦！希望透過今次活動，呼籲大家正視這問題，及增聘多些義工。
老爺不嬲都發
談到Martin家族的恒基集團興建的樓盤「天滙」以呎價七萬多元出售，連Martin本人亦直言「太貴」，子淇笑說：「本來我哋都睇中咗頂樓單位，諗往留嚟自住，但實在冇辦法嘞，惟有留番畀另一啲人享受啦。（本來四十六層，跳到去八十八層喎。）中國人想避開啲『四』字，外國都有類似嘅case，希望客人鍾意囉，少少包裝其實唔係咁大件事啫。（李兆基由四叔變『發叔』？）佢不嬲都發發哋啦。」
有指子淇父親不想她牽涉入其伯父的錢債糾紛案，子淇說：「係人哋嘅事，我都唔知回應啲乜，亦唔想影響人哋。」
文：影視組