陳奕迅（Eason）、謝安琪（Kay）和張繼聰昨日同場出現，不過三人各企一方。席上Eason一貫搗蛋本色，玩完瑜伽「金雞獨立」又玩瞓地，組合Swing將Eason打橫抱起，Eason做出高難度凌空「一字馬」，更爬上立體布景，十分百厭。
Eason是今年叱咤男歌手大熱，問他可有留意獎項走勢？Eason說：「老實講真係冇留意。」記者笑言Eason走勢大熱，他即抵死說：「我唔會將心裏面說話講出嚟。（即係有信心？）Maybe啦，未到最後一秒未知，我反而想喺形象上有突破喎，上年太趕，今年希望多啲時間去打扮。」而Kay出口撐Eason攞獎，竟不撐老公張繼聰，她解釋說：「咁Eason一早出咗碟，老公先啱啱派歌上台。」更補鑊說：「屋企嘅播放率張繼聰都好高o架。」
