祖兒昨日聯同一眾英皇歌手古巨基、蔡卓妍（阿Sa）、陳偉霆等出席「叱咤樂壇流行榜頒獎典禮」記者會，去年祖兒穿上八吋高跟鞋，以「高人一等」姿態出現，不過昨日祖兒竟減半穿四吋高的長Boots，襯上Fendi黑色的芭蕾舞傘裙，問到對競逐女歌手獎信心時，祖兒自言：「冇諗呢個問題，反而當務之急係處理好健康先，因之前睇咗兩個醫生，都話我膝頭同腰退化，聽完我好驚，癲咗咁，我仲有好長路要行㗎，可能係着得高跟鞋太多，今日冇着咁高，食咗消炎藥好啲。依家唔可以跑步，只得游水同步行，亦有做物理治療。」

蔡卓妍、吳雨霏、陳偉霆和傅穎同是組合變「單飛」發展。	古巨基滿意今年成績，更大讚近年頒獎禮氣氛和諧少是非。	側田穿反光衣，造型騎呢。

行斜路兩邊膝蓋痛

祖兒稱現每逢行斜路兩邊膝蓋都很痛，咳嗽時背脊又會痛。是否跳舞過激？祖兒謂：「可能自己冇理，以為自己係超人唔會有Quota，原來係凡人嚟。（戒着高跟鞋？）需要先着囉，上年着八吋，我今年『降咗呢』……對鞋！」不過，祖兒坦言到重要場合幾大要靚：「有幾靚着幾靚，有幾高着幾高，又唔會唔跳舞，會錫身啲，平時少啲着囉。」

周柏豪花綠綠的闊袍大衫，十分突出。

容祖兒去年穿上八吋高鞋。

講到叱咤女歌手的大熱人選，祖兒笑言：「梗係容祖兒同蔡卓妍啦！（咁何韻詩點睇？）何韻詩都幾好喎！（冇出席嘅？）佢唔得閒啩！（謝安琪又如何？）都唔錯。」對於獎項，祖兒坦言：「自己都冇信心嘅話，人哋點會有呢？」

再奪金平憶蓮紀錄

祖兒今年「矮一截」，不過就輪到阿Sa穿上六、七吋閃爆高跟鞋，問到可怕出現祖兒的「老化現象」？阿Sa謂：「我都知，我都同祖兒講係成功代價嚟，我唔係話着高跟鞋就成功，但要靚就係咁。」

祖兒今年歌曲播放率成績超卓，女歌手「叱咤三甲」必入之餘，若然成功奪「金」，其三連冠成績更會平林憶蓮紀錄，並是首位連續十年打入叱咤三甲的女歌手，相當厲害。

基仔當日簽約英皇時，行政總裁吳雨應承為他爭取男歌手獎項，基仔笑言：「唔諗啦，呢排好忙，忙到頭到大埋。」基仔覺得近年頒獎禮氣氛暖和變好，已沒有太多是非和傳聞。

至於身在橫店拍戲的薛凱琪共有三首冠軍歌，相信有機會爭入三甲。而昨日原定張敬軒和衞蘭出席記者會，但軒仔因身體不適，衞蘭則趕拍電影臨時缺席，何韻詩身在台灣排練舞台劇。

文：音樂組