高鈞賢（Matthew）日前為劇集《搜下留情》拍攝，劇中的他飾演陳敏之的前男友，是一名內地的鋼琴家，拍攝當日本來講述他的正印女友李亞男上台與他「咀嘴」，不過後來大家商討過後，覺得沒此必要，故二人只是點頭作交代而已。
之前陳法拉於《有營煮婦》中一場穿胸圍的戲份引起不少話題，認為此幕戲可有可無，對此Matthew坦言：「我都有睇，視覺上都OK嘅，個bra都好健康，呢啲嘢都由編劇去諗，唔到我哋演員話事。」問他若要求他穿底褲上陣拍劇會否介意，他笑言：「我OK㗎！對自己都有信心，啱啱入行嗰陣可能唔會，依家已經豁咗出去，劇情需要都冇所謂。（裸拍呢？）咁又唔得，除非『天價』啦！」
