鍾欣桐（阿嬌）前晚抱恙上《勁歌金曲》，並以一身黑色造型獻唱新歌。對於祖兒被傳是億萬富婆，身為好友的阿嬌坦言冇得羨慕，但會努力搵錢。
首次「單拖」上《勁歌》的阿嬌承認有點緊張，節目中她唱出舞台劇主題曲《生活在他方》，她事前坦言仍有病在身，擔心演出失準，但會盡力而為，最終阿嬌雖沒走音，但為求表現更好需重錄一次。阿嬌並透露此歌原是講父女情，可惜自己零感受：「我歲幾時已經冇爸爸，而我有個24歲嘅女朋友剛於上個月癌病過身，我唱時就諗起佢。」
唔知自己身家
另外，下月阿嬌將會跟陳偉霆、洪卓立合作拍杜汶澤的電影《前度》，但她未知可有大膽演出，談到好友容祖兒成億萬富婆，阿嬌即力撐好友：「祖兒好努力工作賺錢，我都成日搵唔到佢，（佢身家有冇過億？）唔知，我自己有幾多身家都唔知啦，（羨慕佢？）冇得羨慕，咪努力啲賺錢囉。」
伊健無暇打波
此外，鄭伊健在五、六年後再上《勁歌》，他亦感到有點緊張，問到唱歌是否仍有「伊健腔」？他笑言：「有㗎，監製話要有番啲個人風格。」因出唱片及開演唱會，伊健近排出席密集式的宣傳，他表示稍後還要做電影《風雲》的宣傳，故要適應一下，最不慣的是少了打羽毛球的時間。
伊健少了與女友蒙嘉慧打波，但出席活動有機會與舊愛梁詠琪碰頭，他卻不以為然：「冇所謂，做嘢啫，我哋係專業嘅。」
另鍾嘉欣強調與伍允龍是識了很久的朋友，對被指瞞住林峯「偷食」，令她感到不開心。
文：影視組