26/06/2009

播放本新聞相關短片

黃長興澳門登台唱得興奮

黃長興與王君馨早前到澳門登台演出搵真銀,期間二人除了表演跳舞之外,更分別即場獻唱四首歌曲,當中黃長興笑言感覺似開演唱會一樣,表示愈唱愈興奮,黃長興說:「今次四首歌之中,有三首中文歌、一首英文歌,感覺好似歌手一樣,平時都冇咁嘅機會,有咁多時間表演。其實本身我都好鍾意唱歌,但由於中文唔好,所以就局限咗,依家不斷學緊唱歌,希望可以練歌喉之外,又可以學埋中文,一舉兩得。」

另外,黃長興透露最近都忙於拍攝電影,繼之前拍攝法國電影後,又有客串演出新戲《火龍》,實行由螢光幕跳到去大銀幕。