安仔為宣傳６月22日面世的新國語碟《歌人》，近期再度活躍樂壇。對於相隔三年半再推出全國語碟，安仔說因歌曲具高難度，對他極具挑戰性，譬如第一首推介歌《比翼雙飛》，就給他很澎湃的感覺，令他有全新的領悟，安仔說：「我覺得自己好似新人咁，要重新學過，不過有呢種心態係好事，有推動力令自己進步。」

口密避談感情

談及《比翼雙飛》歌詞「成了一生的諾言　出發了就不能再後退……」、「我和你　比翼雙飛　那怕風吹雨打　千山和萬水」，似暗示了安仔和現任女友已有山盟海誓的約定，但堅持感情事要低調的安仔，一副不願多談的模樣，並說：「冇低調，冇乜特別，都係講工作啦。」口密到滴水不漏。問他是否因為忙於「匿埋」拍拖，故近年較少曝光，安仔解釋謂：「我依家嘅工作方針係，有工作先出嚟，冇嘢做就收埋自己，唔會大小事都做㗎啦。」安仔說唱歌、演戲，當導演也試過，現時他對主持的工作重燃興趣，不說不知，原來安仔曾擔任K-100主持。

四出登台掘金

安仔又自辯從沒有偷懶，近年忙於四出登台掘金，他更有意於明年和好兄弟梁漢文、蘇永康及張衞健開演唱會，安仔奸笑說：「我真係好懷念張衞健唱歌。」

髮型：Sunny@Hair Culture

化妝：Maggie Lee

場地：彌敦酒店

文：音樂組