由日本型男福山雅治及柴幸主演的劇集《神探伽俐略》在香港大受歡迎，有見及此，無綫將於下月尾開拍該劇的港版，並找來人氣小生花旦林峯、楊怡及馬國明擔正演出。

講理性邏輯

劇集暫名為《談情說案》，扮演「伽俐略」的林峯飾演物理學教授，凡事講求理性邏輯，他將以科學理論協助佗槍師姐楊怡破案，二人更因此漸生情愫。林峯表示自小已喜歡閱讀偵探推理小說，不過演推理劇卻是首次，他說：「對我嚟講係一個新嘗試。（之前有冇睇過《神探伽俐略》？）自己演嘅劇都未有時間睇，仲邊有時間睇其他劇吖！（擔唔擔心觀眾將你同福山雅治比較？）做乜都會有人比較。」

着重感情線

首次演佗槍師姐的楊怡感覺新鮮，她謂：「今次角色好另類，而且故事題材都好新鮮，所以都好期待。（擔心會同日版《神探伽俐略》比較？）唔擔心，應該係兩回事嚟。」而監製劉家豪透露劇集較着重感情線，故觀眾應不會將套劇標籤成《神探伽俐略》。

文：影視組