關楚耀生日松岡送驚喜冇女介紹
歌手JW（王灝兒）昨日聯同關楚耀（Kelvin）出席遊艇活動，剛於24號生日的Kelvin表示正日約了媽媽等人食飯，想不到媽媽夾埋朋友給了他一個驚喜生日：「去到成班朋友喺度，都有4、50人，我嚇親，都好感動，有少少淚光。」Party上松岡李那都有到場，並帶了一隊日本電視台Crew到場拍他唱歌。問到松岡可有帶異性朋友介紹給他？他笑說：「冇喎，但佢話遲啲我去日本會幫我再慶祝。」
而身穿黑色低胸Lace透視裙的JW性感現身，但見她走路時不時用手掩肚似有不適，她解釋上星期五晚和男友在尖沙咀一間壽司店晚膳後又屙又嘔，疑似食物中毒，做完工作就會去睇醫生，有可能向壽司店追究。而講到前老闆黎明將榮升爸爸，她戥對方開心，並不感突然：「呢個係人生其中一個階段。（覺得佢會係好爸爸？）佢一定係。」
