豪宅開派對

負責提供型男服務嘅迪文，佢今日正駕駛七人車，送一批靚女前往半山嘅豪華別墅。囡囡們落車，全都嘩然，想唔到眼前嘅豪宅係咁富麗堂皇。到底迪文喺邊處搵到間咁靚、咁豪華嘅半山豪宅。

迪文話：「自從金融風暴之後，大把呢啲豪宅冇人吼，業主賣唔出又要支付維修保養嘅費用，於是諗過放租，但放租都冇人要，地產公司就建議變酒店式住宅，逐日放租計錢，價錢都唔係好貴，同間五星級酒店嘅商務套房差唔多價錢。」

如果有幾個囡囡包場嚟玩，又幾划算喎，迪文話：「我哋嘅套餐係有一個定價，你可以一個人嚟，最多就係八個，因為我哋只得八間房，當然有啲十幾人嚟，話佢哋可以孖鋪，甚至三四個迫埋一間房。但我哋都只係準備八個人嘅嘢。」

一個對一個

迪文間公司提供嘅一條龍服務，應該唔只住宿咁簡單啩？迪文話：「我哋收費包括專車來回接送服務、豪宅嘅住宿同使用、廿四小時內嘅飲食、同埋靚仔貼身服務，但我哋嘅靚仔每次只提供八人，所以第九位囡囡就要自己一個人瞓覺啦。」

原來佢哋係咁分嘅，型男每次得八個，你八個囡囡嚟就啱啱好，但如果屈蛇嚟多幾個嘅，佢哋就會冇男伴相陪。大家會問，兩個囡囡夾份搵一個型男嚟玩得唔得呢？據迪文講：「平時玩遊戲同食飯都可以照顧吓，但特別服務，就只限一個對一個。」

咁又係，男人嘅子彈係有限嘅，要令一個囡囡食得飽，隨時要用盡彈藥，如果再嚟多個，咪命都冇埋，一對一絕對正常，但如果八個對八個，啲囡囡想玩世界大戰，又得唔得呢？迪文話：「呢層反而冇問題，因為型男們早就咗預咗玩集體遊戲。」

小費出手重

咁啲囡囡入咗大宅裏面之後，會玩啲乜嘢呢？迪文話：「我哋一般都係下午開始，直至第二天中午，晏晝去到通常都係游水，曬吓太陽，我哋啲囝囝會幫女士搽吓太陽油，跟住喺池邊嬉戲，到咗黃昏，就會食燒烤自助餐，飲飽食醉後就係舞會。」

迪文話：「下晝大家唔熟，女士可能未揀啱水心，但到咗呢個時候，囡囡就會搵自己心儀嘅對象跳舞，之後把歌談心，情到濃時，就會返入房溫馨一番，至於有冇囡囡爭同一個囝囝，呢啲情況都有嘅，最後都係用比賽形式嚟解決，免傷和氣。」

最後問一問，嚟玩嘅通常係乜嘢囡囡呢？迪文話：「通常都係寫字樓白領，佢哋都有過一夜情嘅經驗，有啲更經常去玩狂野派對，所以佢哋知晒規矩，有時囝囝服務唔好，佢哋仲識得投訴添，但如果表現出色，佢哋出手疏爽，畀小費絕不手軟。」

撰文：小德