床穿蝨咬 伍伯嘆安居難

「床最緊要，依家張床又穿窿，又有蝨咬，有時都被迫瞓地下！」伍伯表示由內地來港五十載，原於藥材舖打工，生活尚算穩定，惟隨着年紀漸大，被辭退後再難覓工作，為了三餐餬口，曾改以小販售賣蔬果維生，「乜都做過，冇嘢做去賣吓菜、賣吓生果又做過，做到六、七十歲先退休！」然而伍伯多年來雖努力不懈地工作，仍無法支付房屋租金，只能露宿街頭，「夠錢食飯就唔夠錢住，冇錢仲可以要求啲乜？」

提起內地妻兒，伍伯慨嘆當年為「搵食」，過着營營役役、為口奔馳的生活，忽視對內地妻兒的照顧及關心，令彼此關係日漸疏離，近年更已失去聯絡，「冇喇！好多年冇聯絡，依家得番自己一個，冇人冇物！」說罷，伍伯低下頭凝視地板，眼框泛着淚珠。當問及伍伯有何興趣，他坦言年輕時熱愛中國文學，並對中醫書籍甚有興趣，「自己好鍾意睇書，文學書、中藥書都讀好多！」

「冇錢買傢俬 見到乜就執乜」

已度過大半生露宿生涯的伍伯，早年幸獲義工幫助，成功申請高齡津貼及綜援金，一年前更獲派公屋單位，終可擺脫無家者的漂泊生活，「有間屋住梗係好啦，唔使日曬雨淋，但冇錢買傢俬，咪見到乜就執乜，點知惹埋咁多木蝨！」伍伯指拾回來的家具暗藏木蝨，經過房屋署及自行購買用品滅蝨後，仍難以消滅藏在家具深處的木蝨。此外，伍伯家中的電器大多已失靈，希望獲得各界善長慷慨解囊，協助添置全新家具，並更換家中失靈的雪櫃及電飯煲，讓伍伯於新居重過新生活。

捐款編號：12749

記者：黃芷君