珍姐續戰癌魔 再求藥費

面色蒼白、雙眼無神的珍姐，自患病後已接受逾十次化療，她坦言過程痛苦又漫長，惟病情卻毫無起色，身體更出現抗藥性，癌細胞更擴散入骨，令珍姐苦不堪言，而屬自費藥物的標靶治療便成了她唯一的生機。但面對每月逾五萬元的藥費，珍姐與任職屋邨保安的兒子根本無力負擔，無計可施之下遂向東方日報慈善基金求助，並在善長協助下及時開展療程。

「未食（標靶藥物）之前周身痛，腳又行唔到，痛到根本瞓唔着，醫生要開嗎啡畀我止痛；依家食咗藥，隻腳冇咁痛，咳又咳少咗，醫生都話我食完隻藥幾穩定。」珍姐直言，服用自費藥物後病情大獲改善，心境亦隨之變得開朗，現時身體狀況大致良好，「依家定時都要返醫院覆診抽血，醫生話大致上冇乜問題，淨係蛋白質低咗啲，營養唔係好夠囉。」珍姐解釋，服用藥物後常感反胃，食欲全失，日常會迫使自己「少吃多餐」，希望能盡量吸收營養，卻囿於經濟未有考慮服用營養補充品，「開飯都要慳住慳住，邊有錢買其他嘢食？」

母子相依為命 感激善長援手

事實上，珍姐多年來與兒子相依為命，二人居於公屋單位，日常省吃儉用，而珍姐患病後未能繼續工作，生活重擔全落在兒子身上，兒子對此毫無怨言，對母親照顧更是無微不至，堅持每次覆診都陪同珍姐前往醫院。二人感激社會各界支持之餘，亦冀望善長能再度施援，「多謝《東方日報》嘅善長，如果唔係有善長幫手，我依家可能已經死咗……啲藥真係好貴，我哋普通人家根本就食唔起，醫院啲醫生話連佢哋都食唔起……」對抗癌魔長路漫漫，十分有賴善長踴躍捐輸，協助珍姐繼續用藥，早日脫離癌症魔掌。捐款編號：12663