以前就有人話女人三十爛茶渣，但係家陣好多女性都已經用事實證明自己即使年過三十，亦依然美艷動人，甚至可以迷盡天下男人！雖然係咁，又有唔少女仔認為自己踏入30歲之後，人生可能有重大改變，所以會盡快於踏入這個歲數前將重要嘅事情完成，例如結婚生仔。剛於11月3日踏入30歲嘅鈴木咲就唔係完成呢啲人生大事，而係作出突破性演出！鈴木咲喺16歲嘅時候就因為天生麗質，生得一副標致俏臉而成為模特兒，後來以賽車女郎、歌手、演員身份同大家見面，另一方面亦憑鮮嫩胴體喺寫真界嶄露頭角。時光匆匆，眨吓眼鈴木咲今年就30歲，但係青春感覺強烈嘅童顏依然冇變過，胴體顏亦一樣咁白滑鮮嫩，不過阿妹就覺得面對30歲呢個人生關口，係時候要突破，所以喺最近推出嘅寫真集《SAKI》當中特別挑戰出道以來首次嘅超性感嘗試，換上超極細碼比堅尼上陣，亦會嚟個真空演出，至於咲妹會唔會因為真空上陣而飛釘或者透露，就要大家買本寫真集了解一下喇！