世界上有好多人都係聲大大冇貨賣，講就天下無敵，做就冇心又冇力，所以我哋可以將佢哋所講嘅說話界定為「放屁」，對人毫無建樹。之不過，如果係AV女優放屁大家又點睇呢？大家都對AV女優情有獨鍾，又會唔會情人眼裏出西施，覺得女優放屁別有一番風味呢？最近就有女優對住AV迷塊面公開放屁，仲嚟個放屁大比併添！
所謂時也命也運也，小弟我雖然生得唔靚仔又唔高大，但係點都算係有才華兼有穩定收入，更重要嘅係為人幽默又擁有高尚情操，而且相當有愛心，周不時拖老人家同小朋友過馬路，每逢周六仲大手筆捐出廿蚊支持賣旗籌款添！每個優點都顯示出小弟合乎一般女性嘅擇偶要求，只可惜咁多年都冇女仔欣賞，認真徒嘆奈何！喺日本AV界亦有好多女優時運不濟，條件唔錯卻又紅唔起，而為咗保持收入佢哋往往會劍走偏鋒，轉拍重口味作品，例如SM，又或者污衊玩意例如放屁等，以滿足癖好特殊嘅AV迷。至於邊位女優不顧形象拍放屁片呢？人妻女優愛原怜乃、伊呂波夢月以及明美美羽就係當中代表，最近佢哋喺新宿舉行「大家來聽美少女放屁會」兼且進行放屁大比併，睇吓邊稱后！
放屁大會有好多觀眾買飛入場聽三位女優放屁，可見好此道者眾。而類似嘅AV迷活動都會由女優舉杯向大家祝酒才開始，但係今次就別開生面，女優們將祝酒改為「祝屁」，三位女優齊齊瞓低抬高屁股，向觀眾們展示高超又精準嘅放屁實力，實行打響頭「屁」！大家都知道放完屁需要稍為回氣至會再有屁放，響完一發大大聲嘅屁之後，三位女優就先坐好，呢個時候愛原怜乃就話為咗今日忍屁忍咗一整晚，希望喺活動當中不負眾望，可以放多幾個響屁。至於伊呂波夢月就話今日會將今年新正頭同親戚聚會時嘅沉悶感覺一次過放晒出嚟！可憐美少女明美美羽都唔輸蝕，話自己朝早猛食番薯，鬥放屁一定唔會輸！另外三位女優都大講金句，愛原怜乃話：「每個屁都係經過注入愛意而放出，大家千祈唔好鄙視。」伊呂波夢月就話：「睡覺前一定要放屁以免危害健康。」明美美羽則表示：「放屁可以為寧靜嘅車廂帶來生氣。」可見佢哋對放屁有一番高見。
三位女優講咗咁耐，都已經回氣……正確嚟講應該係「回屁」至啱！於是輪流走到觀眾面前即場放番個響亮嘅屁，仲容許觀眾將手機遞到近一近，以收錄佢哋放屁時發出嘅「悅耳」聲音，可見呢班觀眾認真夠趣致！女優們輪流出力放屁，能量相信都消耗得十之八九，於是嚟個中場休息，大家齊齊喪食番薯補充補充。為免班觀眾有得聽冇得睇，後來女優們就齊齊嚟個脫衣表演，剝到剩番套比堅尼，大大增加現場嘅春色，然後正式進行放屁大比併，而比賽形式係放屁次數最多者為勝！大家又唔使擔心班女優只係剛剛食完番薯未咁快見功喎！因為現場提供專業按摩師，等佢為女優按摩腹部促進消化，更促進屁嘅形成！喺放屁比併當中，明美美羽最放得，居然嚟個9連發！至於愛原怜乃就最唔爭氣，一個屁都冇放過！不過唔使認輸住，因為「大家來聽美少女放屁會」將會有第二回合，到時怜乃你咪食定番薯等住大放特放囉！
撰文：賢