由1歲到80歲嘅女性都咁貪靚，為咗靚可謂無所不用其極，之不過如果要佢哋變醜就打死都唔制喇！然而，日本AV女優就係能人所不能，為咗取悅AV迷甘願接受各種重口味演出之餘，更加可以放下尊嚴扮醜女！早前喺新宿上演咗一個叫做「Cosplay一本勝負」嘅活動，請來AV女優水菜麗、步美翼以及河西亞美同一眾AV迷歡度一個晚上。雖然當日打風，但係亦冇阻一班AV迷嘅熱情，會場內座無虛席。為咗報答大家嘅支持，三位AV女優當然傾力演出啦！正確嚟講唔係三位，應該係四位至真，事關中段時間篠宮由里加入戰團。活動初段上演女優比拚環節，女優們鬥快將硬幣豎起，然後再鬥搞笑功夫，為咗引得現場觀眾發笑，四位女優都不顧形象，好似一向美艷迷人嘅水菜麗用膠紙黐住塊面，至於河西亞美仲搞笑，將橙色乒乓波用膠紙黐喺鼻哥扮小丑，成功引起全場爆笑！