「老公，今晚快啲返屋企喇！」露娜講完之後，就錫一錫正出門返工嘅老公美斯。美斯點一點頭就匆匆忙忙咁趕去搭車喇！美斯剛剛返到辦公室，正想打開電腦處理公務嘅時候，電話突然響起，原來係露娜打電話嚟話：「救命呀！」美斯未問及發生何事，露娜已經收線！然後露娜又打電話嚟話：「有嘢侵犯我呀！」電話再次中斷！美斯聽見老婆受到侵犯，梗係要趕返屋企啦！途中，露娜多次打電話畀美斯，先話「佢隻手搞緊我件衫呀！」再話「佢去到我三角地帶喇！」心急如焚嘅美斯終於返到屋企，未及關門就見到露娜以一身內衣出現，仲飛撲去攬實美斯話：「老公！結婚六周年快樂呀！」