最近有報道指出，近年香港嘅虐偶個案中，男性受害者數字有上升趨勢，佢哋多數被女伴奚落、唾罵，甚至遭到掌摑，隨時演變成家庭暴力，情況令人擔心。不過，喺日本竟有啲麻甩佬主動要求被虐，甚至走去幫襯M男風俗店，搵風俗孃去虐待自己，仲話愈打愈興奮，認真犯賤到極點。
呢間名為「M-ing」嘅風俗店，位於大阪神戶市內一幢商業大廈，專門為男士們提供各式各樣嘅性虐玩意，喺過程中佢哋受盡皮肉之苦，但反而會感到興奮同過癮，都咪話唔變態。據講，店舖開業以來已累積近三萬多位客人幫襯，大多數為三十至四十歲之間嘅男性，除咗打工仔之外，有部分更係擁有高薪厚職嘅知識分子。店長表示，呢班麻甩佬事業同家庭方面都承受着極大壓力，經常被老婆或女上司「蝦」，久而久之，內心就產生被虐傾向，於是特別設計出一系列嘅被虐遊戲，讓佢哋可以從痛苦之中宣洩情緒之餘，更能夠獲得另類快感。
如果有興趣嘅話，可以先喺官方網站做一個登記手續，畀埋入會費，再喺網上揀女同預約時間就可以。店內設有多個唔同主題嘅VIP房，內裏設備一應俱全，好似大圓床、合歡椅等，而為咗增加刺激程度，客人可以自選道具如皮鞭、手銬、鎖鏈等，當然，為咗安全起見，所有道具都會向店方借用，唔可以用私伙「架生」架！至於玩法方面，可以話非常多選擇，例如人肉沙包、主僕遊戲、另類格鬥、皮革鞭打、暴力腳交等變態玩意，客人可按照自己嘅喜好，對號入座。對手數目亦可以自由選擇，畀幾個索女圍攻，聽落已經夠晒刺激喇！
據講，好多客人都鍾意做人肉沙包，讓風俗孃打番夠本，之不過佢哋話晒都係客人，囡囡梗係唔會出盡力去砌佢哋，否則一時收唔到力，又咁啱擊中要害，隨時搞出人命都似。玩到咁上下，客人應該都夠皮，咁就玩完？當然唔係啦！呢個時候，風俗孃會主動出擊，利用溫柔嘅小嘴，以及一招乘騎功去安慰佢哋，直到將對方體內所有精華素都逼出嚟為止，務求令每個客人喺心理及生理皆得到滿足。至於收費方面，四十分鐘服務為二萬日圓（約一千九百多港元），絕對係真正嘅貼錢買難受，唔知大家又點睇呢？
M男風俗店所提供嘅性虐玩法多不勝數，雖然部分招數充滿暴力成分，之不過一班風俗孃訓練有素，識得就住力去玩，就算埋身肉搏都只會係點到即止，唔會弄傷身體。當然都要奉勸大家一句，千祈唔好有樣學樣呀！
利用言語去傷害對手嘅自尊心，好似話佢哋性能力差、冇頭髮、大肚腩等等，總之搞到男人無地自容。
過癮位：玩家可以乘機抽水，喪目及裙底。
變態度：★（註：最高為五粒星）
囡囡強行將臭腳塞住玩家嘅口鼻，實行以臭味去刺激佢嘅嗅覺神經，搞到佢哋食唔落飯。
過癮位：令有戀足癖嘅男士感到無比滿足。
變態度：★★
以鐵鏈綁住玩家嘅頸項，再當佢哋牛牛咁騎，玩家更需要聽從囡囡指令，前後左右咁行。
過癮位：可乘機感受一下索女大髀嘅滑溜程度。
變態度：★★
呢一招喺電影入面都出現過，囡囡以雙腿去夾住玩家頭部，搞到佢哋動彈不得。
過癮位：由於接近敏感部分，玩家可以乘機目及餐飽。
變態度：★★★★
將玩家當沙包咁砌，之不過大家可以放心，囡囡懂得放輕手腳，唔會出力架！
過癮位：囡囡鍾意起飛腳，啱晒鍾意目及嘢嘅玩家。
變態度：★★★★★
為摔角比賽常用嘅招數，以手臂夾住玩家頭部，搞到抖唔到氣，痛苦非常。
過癮位：表面似乎好暴力，其實囡囡只係想請食波餅而已。
變態度：★★★★
「M」嘅全寫為Masochism，意思指受虐癖，即係自己遭受虐待或感到痛苦時可以得到性興奮或樂趣嘅人。而日本風俗店常見字眼「M男」，就可以解作有受虐癖嘅男人。
撰文：娟娟