近日東莞回歸平靜，大小骨場偷雞重開，但有經理就抱怨，減咗價，多咗服務，但人客愈嚟愈少，真係唔明白當中原因！經理更將責任直接推落風水上，認為對家個場食正財位，因此有需要搵玄學家返嚟執吓位喎！
就此事我老友大炳入去走一轉，佢話查實唔使風水佬指指點點，單係肉眼所見，大堂幽暗、員工無厘神氣，浴室長期濕立，經已冇晒胃口，上房更發現，毛巾又穿又霉。嘩！咁嘅服務質素，畀着經理你自己都唔敢試啦！問過駐場女：「冇計，早前休業老闆喪炒人，清潔阿姐炒咗一半，電工雜工又炒幾件，連毛巾床單都外判出去洗，錢的確慳到，但邊有人做嘢呢？」不只囡囡睇到，連玩家入場沖涼都發現唔對路而走頭，你話係咪畀一條毛巾玩死！
撰文：大軍