政情：丁權惹爭議 鄉議局兩招免捱打
近年新界鄉議局正值多事之秋，尤其是丁權問題引起爭議。鄉議局有見處於下風，為咗避免捱打，喺尋日嘅執委會上公布咗兩招作反擊，更撥款十萬港元作活動同宣傳經費開支。
下月研討會 搞講座介紹丁權
鄉議局主席劉業強公布，將於下月舉行研討會，更邀請到土地供應專責小組主席黃遠輝作為講者之一，劉業強屆時亦會就活化活用新界土地發言。另外，鄉議局亦會舉辦一系列講座，以加強青年人對新界傳統文化、原居民傳統權益的認識，初步主題有丁權為新界原居民合法傳統權益、認識鄉議局等十二個主題，主題對丁權明顯有針對性。負責統籌研討會嘅鄉議局增選執委邱榮光就話新界土地為重要資源，認為鄉議局需要取回主導權談土地問題。
至於鄉議局早前話會有節能嘅計劃，而位於沙田的鄉議局大樓天台終於喺尋日安裝太陽能設備，劉業強同邱榮光都有到天台視察安裝嘅情況。