脫星搵銀有好多方法，例如推出性玩具甚至做內衣代言人等等。但學似脫星Lizz Tayler咁開設性愛訓練班，卻即時引嚟衞道之士炮轟，而阿妹一於唔客氣獨排眾議，最後仲上晒位，呢件辣妹真係唔好惹O架！
撰文：祖
「提升性技、醫治冷感，有我Lizz Tayler！」早前脫星Lizz Tayler就喺工餘時間，於成人網站開設一個性愛訓練班，據講課程內容係希望增加男女歡愉快感，由於課程會有身體接觸，因此阿妹規定只限成年人士參加。有網民收到風第一時間報名，不少更表明係Lizz Tayler嘅忠實「粉絲」，但另一方面，坊間嘅衞道之士就點名批評佢有違道德，鼓吹性愛、濫交、不安全性行為等等，又謂阿妹將四仔搬到現實生活可恥，要求當事人收回訓練班云云！一時間被天下人圍攻，Lizz Tayler竟泰然處之，聲明更反插道德之士：「訓練班只限女性參加，原意係希望提升性愛技巧，將我多年喺四仔界所學同大家分享，對於部分不懂性愛為何物嘅人士，就算有俊男美女主動要求發生關係，佢哋都唔會明白有幾爽！」
雖然訓練班至今未開，但查實事件對Lizz Tayler有利無害，事關反對聲音愈大，阿妹人氣愈升，醒目嘅四仔片商即時搵阿妹開拍網上性愛訓練班。鏡頭前Lizz Tayler拿住性玩具自娛，每一組動作都會親身試做兼旁白，呢套四仔不但男人叫爽，連女人都話要珍藏，攞晒彩嘅Lizz Tayler當然笑逐顏開，更暗寸班道德發燒友：「我之所以受歡迎，係因為深切了解現代男女喺性愛過程中所遇到嘅種種疑難，透過我親身示範同經驗分享，不論生熟手、男或女都有得着。希望各位睇完不要紙上談兵，空談性愛，更希望各界不要不切實際，將性愛無限放大！」計我話阿妹應該得些好意須回手，小心玩大咗畀人釘牌，脫星都冇得你撈呀！