美國四仔界有位懶到出汁嘅脫星Cindy Dollar，阿妹不但床上表現懶散，連大小宣傳活動都一律唔出席，但竟然仲有戲拍！今日仍然可以留低，全因為佢有位監製姐夫力撐！
問心嗰句，雖然脫星有影迷撐，但講到底都係搵皮肉錢，係人係鬼都應該搏命做，之不過脫星Cindy Dollar就背道而馳，反認為做人唔應該咁辛苦，任何事過到自己過到人就夠。但標準喺邊度？阿妹解釋：「影迷無非想欣賞我嘅身材，因此作為脫星，只要露出身體就足夠，之後嘅所謂床技、呻吟，以及數之不盡嘅玩法，全部都係強加上去。我已經做好本分，如果大家唔滿意，有權罷買我嘅作品，但冇資格投訴我嘅工作態度！」阿妹反過來將問題歸咎於四仔迷身上，難怪有影迷話佢係四仔界之恥！
你有你鬧，但Cindy Dollar至今依然活躍四仔界，每兩、三個月總有新作推出。針對佢嘅影迷就將佢起底，結果發現原來Cindy Dollar嘅姐夫係四仔公司監製，仲要係高層嗰隻，佢一出道就簽約呢間公司，新人時期已享受一姐待遇，玩咗三年人氣有跌冇升，但一樣受公司力捧，難怪當事人可以咁大支嘢啦！而Cindy Dollar就死撐：「任何一個行業都講關係，脫星界亦唔例外，假如大家唔滿意，一樣可以去巴結高層。我有個好姐夫係我幸運，外界因此而批評我，無非係妒忌。再者，我雖然有人撐腰，但一樣要剝要埋牙，若然真係咁關照我，一早就退出四仔界啦！」Cindy Dollar真係大言不慚，靠人事上位仲唔好好把握機會，過多兩年人老珠黃睇佢點衰！
出生日期：1982年3月9日
三圍：34 C、25、35
身高：5呎3吋
撰文：祖