過江女神：旺財囡囡玩家送豪宅
呢期外國超級富豪殺過中國說教講捐身家，以為巴巴閉感動全球，查實澳門×河夜總會嘅PR方迅早就賣田賣地，兼扣除每月生活支出捐助姊妹。阿妹話做善事唔使咁高調喎，似乎佢對呢位外國佬非常睇唔過眼囉！
搵錢容易
有世界首富飛去亞洲大講捐身家，但原來澳門有善心嘅人都唔少，好似PR方迅亦認為太多錢係一種負累，反而無錢一身輕，做人都安樂啲喎！「你冇聽過財多身子弱咩？我真係好認同，你咪睇我個樣咁靚咁後生，查實我已過咗廿五，係一位中女喇！」阿妹，你係中女定熟女與我無關，我只係想問你，既然做PR無非想賺快錢，何解你又要捐身家呢？「你聽埋我講先啦，實情我做呢行都好幾年，初出道時搵錢真係容易到自己都唔信，試過一晚搵幾萬，又試過陪人客去賭時，對方話我旺佢，之後仲送咗層千萬豪宅畀我添！當時梗係開心死啦！不過之後性格大變，變得虛榮兼不可一世，身邊知己都離開我！」
友情重要
方迅因為被錢蒙蔽，以為任何事都可用錢解決，完全冇理人感受，結果變到神憎鬼厭！經過反省，決定將所有資產變賣，幫助身邊有需要嘅人，之不過阿妹捐到渣都冇，似乎冇為自己打算喎！「邊諗得咁多喎！經歷過窮奢極侈嘅生活後，我至明白人生感情最重要，尤其是家庭同友情，呢兩種情至可以支撐我繼續好好生活落去，你睇我雖然冇錢，但容光煥發，身材又正，真係有錢都買唔到架！但話時話，我捐身家從來冇同人講過，唔似得啲外國佬攞嚟當宣傳，以為自己好高情操，我真係睇唔起佢哋囉！」方迅真大膽，竟大唱反調叫佢哋做人做事要踏實，呢個世界真係乜人都有呀！
方迅小檔案
年齡：26歲
三圍：34、24、34
身高：5呎5吋
撰文：祖