問：最近去順德見個客人，之後就喺當地留宿一宵，食完飯十點幾返到酒店，點知突然有人打電話畀我，我一聽發現係個女仔，佢第一句就問我要唔要小姐，我就多口問佢幾多錢，佢話要八百蚊，我根本就隨口噏，於是話太貴收線，點知佢繼續打嚟，仲話肯減一百，我再拒絕，之後佢一連打咗幾次嚟，減到三百蚊我都拒絕，起初以為冇事，點知有人拍門，原來係個廿六七嘅囡囡，問我係咪玩嘢，之後入嚟賴死唔走，最後無奈畀咗三百蚊佢走人，請問除咗畀錢，我仲可以有乜嘢方法呢？
答：呢啲酒店流鶯，同酒店職員一定有關係，否則都唔可以喺度搵食，所以你搵佢哋幫手都係得個搞字，唯一方法就係破財擋災，但如果你真係冇心幫襯，最好就唔好同佢哋講價，講完唔幫襯，佢哋梗係咬住你唔放，如果你企硬話要報警，佢哋可能會買你怕，但你在明、佢哋在暗，唔知佢哋半夜會唔會同你玩嘢，所以都係咪搞咁多，畀錢解決算數啦！怪只能夠怪自己誤入黑店，同埋多口講乜嘢價呢？
撰文：小德