最近冇乜嘢事都唔好去夜總會玩，並唔係因為打緊風，而係風暴之下全部囡囡都變晒驚弓之鳥，家陣喺夜場裏面唔好話冇晒光豬坐枱，就連抽吓水啲囡囡都詐晒型，話怕撞啱掃黃，如果發現胸圍底褲歪咗啲，都會畀人拉，係咪咁嚴重呀？
前兩日我同幾個喺內地做廠嘅朋友去玩，間夜場喺星級大酒店裏面，算係鐵竇中嘅鐵竇，但啲囡囡出入全部都鬼鬼祟祟，加上便服坐枱，咁都冇乜所謂，但最唔開心就係連水都唔可以抽，最多只可以摸吓大髀，攬吓腰仔，一雙龍爪手全無用武之地。
問個朋友點解連抽水都唔得？佢話如果咁啱畀人撞正，客人、囡囡、媽咪同間場都要一齊受罰，所以同囡囡玩，只可以斯斯文文，就算隔住衣服抽水，只要囡囡嘅胸圍底褲無端端移晒位，都可以拉人。難怪一抽水即刻叫唔好啦！你話仲有咩嘢癮！
撰文：大軍