大軍手記:中途走人要埋單

問:本人最近至學會上深圳揼骨,所以經驗不足,話說有日我去咗一間骨場揼骨,沖好涼換好衫之後,喺大廳等主任安排,點知等咗成粒鐘,一時又話冇女,有女又話冇房,等到把幾火,一啲心情都冇晒。請問我可唔可以走,離開間骨場嘅呢?

答:間場又冇落閘放狗,客人當然可以話走就走,你呢種情況,返去內地骨場玩嘅朋友經常都會遇到,客人等得太耐,要走當然冇問題,但你要清楚一樣嘢?你咪以為冇按摩就唔使畀錢,好多桑拿場齋入去沖涼,都係要收費嘅,所以呢筆沖涼錢,一定要畀咗至走得,好多時齋沖涼嘅收費,都要八十、一百,全套服務都係兩舊幾,所以齋沖涼真係好貴,如果你唔畀,一定會畀人打一身,再拉去派出所,告你「食霸王餐」,你會話我都未食,但個場則話我哋白紙黑字寫明,沖涼收幾多,客人唔食套餐,係只幫襯沖涼,就要畀沖涼錢,所以好多識途老馬都會等,特別係過時過節,咪以為預兩個鐘乜都夠,好多人等女都等兩個鐘呀!

撰文:小德