近日俄羅斯出現一批有波有腦洗車妹，身材火辣不特止，部分更有學位，難怪引嚟不少車主搵佢哋洗車。而喺美國做脫星嘅Andrea Randall就表示同人唔同命，原來阿妹未入行前都係洗車妹一名，奈何因為冇人賞識至轉型當脫星，但當事人話重新考慮開間洗單車公司，更要玩裸體挑戰尺度添！
查實比堅尼洗車妹早於九十年代經已出現，今日之所以大驚小怪，無非因為呢班囡囡並非波大冇腦！不過有口痕友就話，有腦洗車妹其實不值一提，事關今時今日嘅經濟下，不少高學歷嘅畢業生都搵唔到嘢做，佢哋好可能無所事事，被迫洗車而已！
至於脫星Andrea Randall知道消息後，就對傳媒表示自己係洗車出身，而且比佢哋更落力，不但識洗車，連基本汽車維修都掂。阿妹言論一出，即時收到過千位車主要求搵佢洗車，不過當事人就一口拒絕：「雖然我識洗車，不過我唔想畀人感覺抄橋，況且要我走回頭路，咁不如從此退出脫星界！」
Andrea Randall認為走回頭路令佢冇Face，情願有錢都唔搵，但另一方面，阿妹就希望未來一年來開設一間裸體洗單車公司，賺錢之餘仲可以為環保出分力喎！佢解釋：「現今社會講環保，全球各國都呼籲用單車代步，所以我認為如冇需要，盡量唔應該揸車出街。假如人人都踩單車，可以想像生意有幾大，單係洗單車都夠我發達啦！咁都不特止，為求出位，我希望開設裸體洗單車公司，喺玻璃房內，由身材火辣嘅囡囡為人客洗車，室外嘅麻甩佬睇到，點會唔幫襯呢？」果然有腦，若然阿妹親自落場，話唔定上市都得呀！
撰文：祖