家陣廿八歲已被界定為中女，而喺四仔界就更被稱為熟女，係咪好離譜呢？係，但冇計，皆因每月都有新進脫星下海，個個十八廿二，芳華絕代，廿五過後唔叫你阿嬸都要還神咯！之不過踏正廿八歲嘅脫星Courtney Cummz就高呼咪當我老餅，仲誓言要技術性擊倒一眾毛都未出齊嘅死o靚妹咁話！
經常聽人話：「我食鹽多過你食米、行橋多過你行路。」講就威，實則受教者心底一句；收皮啦老坑，之前講乜都冇人記得。而喺四仔界亦出現「仇老」現象，據講新入行嘅脫星認為老一輩嘅阻住搵食；規矩多多、片酬高高，但做嘢少少，兼且手腳又慢，實在忍無可忍要反擊。但點為之老呢？有網民就於成人討論區表示，原來十八入行叫正常、廿二女人味濃，廿五過後走下坡，有人肯畀錢睇你都叫執到，嘩嘩嘩！若然所言屬實，我諗港女好慶幸生存喺亞洲囉！
之不過脫星Courtney Cummz就唔係咁睇，阿妹認為界定非常無聊，純粹網民單方面滿足個人幻想，現實中嘅四仔講求聲色藝俱全：「聲係叫床聲、色係要夠色情、藝當然指床技，做脫星三者缺一不可，一線阿姐更加唔使講！」
Courtney Cummz認為一線脫星要聲色藝俱全，同時更表示要達到以上三種條件，必須長時間浸淫以及磨練床技，阿妹話：「啲o靚模脫星滿以為剝衫露體就能取悅觀眾，當然嫩口脫星初下海能為觀眾帶來新鮮感，但之後又點呢？梗係要靠床技啦，而呢方面正正係o靚模脫星所嚴重缺乏嘅，佢哋練精學懶，床技求其，觀眾睇一兩次自然會嫌棄！」阿妹愈講愈燥火，更表明要用行動證明廿八過後至係最理想脫星年齡：「你咪嫌我老餅，欣賞過我同後輩合作嘅床戲就知我有幾正！」
出生日期：1981年12月4日
三圍：34D-26-36
身高：5呎6吋
撰文：祖