相信資深鹹片迷，一定記得以前入戲院睇日本鹹片，全部都有劇情，而且有好多故事性都好強，比歐美鹹片仲要完整，但AV片嘅出現，將所有戲劇元素一律刪除，只有大戰連場，但風水輪流轉，最近日本AV界又興番拍劇情片。
最先開拍AV劇情片嘅係Attackers公司，佢哋規模較細，希望走另類風格，於是喺呢一兩年間，拍咗一系列帶有劇情嘅AV片，點知竟成為ＡＶ界典範，深受各界好評，於是吸引日本四大AV公司之一嘅Premium留意，決定加入戰團，參與拍攝劇情AV片。
而為咗隆重其事，佢哋更請嚟人氣女優櫻木凜嚟擔任女主角，櫻木凜相信唔使點介紹，阿女佢樣靚身材好，而且喺AV片中扮乜似乜，一直深受粉絲嘅喜愛，搵佢嚟拍劇情片，演技同銷售方面都一定有保證。而內容方面，由於係佢哋嘅頭炮，一於搵啲人氣題材嚟配合，於是揀中九十代風靡唔少年輕人嘅十八禁遊戲《同級生》作藍本，開拍同名AV片，而劇本更搵嚟日本名導演負責，真係當真咁拍，唔講得笑。
故事內容講述凜、一徹、哲也三人一齊喺鄉下長大，感情深厚，畢業後凜為咗當老師，而一徹就希望當律師，於是齊齊離開好友哲也出大城市。兩年後，兩人回來，友情出現了變化……聽落係咪好愛情片Feel呢？雖然套戲仲未拍好，但由於故事吸引，所以好多AV迷都熱切期待發碟嘅日子，睇吓劇情片同AV情慾畫面，如何結合起嚟。如果今次成功，相信其他公司都會爭相倣效，齊齊開拍劇情片。
而有口痕友話以後劇情AV，可以當三級片咁喺戲院放映，由於打晒格仔實過到骨，到時收入仲好可觀添，而且可以參加影展為日本人爭光，而女角獎更會係佢哋嘅囊中之物，因為拍情慾戲拍到要打真軍，相信邊有女星接受得到？實攞硬呀！
撰文：小德